ᑭᓲᕙ ᓄᑕᕋᖅ ᓯᕗᓪᓕᐅᑎᓗᒍ ᖃᓄᐃᓕᕈᑎ?

ᐃᓕᓐᓂᐊᕐᓗᑎᑦ ᐃᓄᐃᑦ ᓱᕈᓯᖏᓐᓄᑦ ᓯᕗᓪᓕᐅᑎᓗᒋᑦ ᐱᓕᕆᐊᖑᕙᓪᓕᐊᔪᒪᔪᓂᑦ ᖃᓄᕐᓗ ᖁᐸᓄᐊᖅ ᐃᑲᔪᖃᑦᑕᕐᒪᖔᑦ ᖃᑕᙳᑎᒌᓂᑦ ᐱᔪᓐᓇᕐᓂᕐᒥᑦ.

ᓄᑕᕋᖅ ᓯᕗᓪᓕᐅᑎᓗᓂ ᐱᓕᕆᐊᖓ:
ᕿᒥᕐᕈᓂᖅ

ᐱᓕᕆᐊᖅ ᑮᓇᐅᔭᖃᖅᑎᑕᐅᔪᖅ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑖᒃᑯᐊ ᐃᓄᐃᑦ ᓄᑕᖅᑲᑦ ᐊᑐᕈᓐᓇᖁᓪᓗᒋᑦ ᐋᓐᓂᐊᖃᖕᓇᙱᓐᓂᖕᒧᑦ, ᐃᓕᓐᓂᐊᖕᓂᖕᒧᑦ, ᐃᓄᖕᓄᓪᓗ ᐃᑲᔪᖅᑐᖅᑕᐅᓂᖕᒥᑦ ᐱᔨᑦᑎᕋᐅᑎᓂᒡᓗ ᐱᔭᕆᐊᓕᖏᓐᓂᑦ ᑲᔪᓯᑦᑎᐊᖁᓪᓗᒋᑦ. ᐃᓄᐃᑦ ᐊᔾᔨᓪᓗᐊᕆᒻᒪᒍ ᔪᐊᑕᓐ ᑐᓐᖓᕕᒋᔭᖓ.

ᓄᑕᕋᖅ ᓯᕗᓪᓕᐅᓪᓗᓂ ᐱᓕᕆᐊᖑᕙᓪᓕᐊᔪᒪᔪᑦ ᐃᑭᐊᖅᑭᕕᖓ

Two young children walk together on a rocky terrain. The girl on the left is wearing a pink jacket, while the boy on the right sports a red and blue jacket with a baseball cap. The background shows a vast, open landscape with a clear sky.

ᐱᖓᓱᑦ ᐊᕐᓇᐃᑦ ᐃᒃᓯᕚᖃᑎᒌᒃᖢᑎᒃ ᕿᔪᖕᒥ ᑭᐳᒥ, ᐃᓚᐅᖃᑕᐅᓪᓗᑎᒃ ᐅᖃᖃᑎᒌᖕᓂᕐᒥᒃ. ᒪᕐᕉᒃ ᕿᒥᕐᕈᔫᒃ ᑎᑎᖅᑲᓂᒃ ᖁᖓᑦᓱᑎᒃ, ᐱᖓᔪᐊᑦ ᐊᕐᓇᖅ, ᐃᑦᓯᕙᔪᖅ ᑕᓕᖅᐱᒻᒧᑦ, ᑕᐅᑐᑦᓯᐊᖅᓱᓂ ᖃᕆᑕᐅᔭᕋᓛᕐᒥᒃ ᓵᖓᓂ. ᐱᓕᕆᐊᖑᓯᒪᔪᑦ ᑕᑯᒃᓴᐅᑎᑦᑎᕗᑦ ᐊᔾᔨᒌᙱᑦᑐᓂᒃ ᐸᐃᑉᐹᓂᒃ ᐊᑭᓐᓇᕐᒥ.

ᖃᓄᖅ ᐱᓕᕆᔨᕗᑦ ᐃᑲᔪᕈᓐᓇᕐᒪᖔᑕ CFI−ᒧᑦ

ᖁᐸᓄᐊᖅ ᐱᑎᑦᑎᓲᖅ CFI ᐱᔨᑦᑎᕋᐅᑎᓂᒃ ᐊᐅᓚᑦᑎᓂᕐᒥᒃ ᕿᑭᖅᑕᓂ ᓄᓇᓕᖏᓐᓄᑦ ᓄᓇᕗᒻᒥ. ᐃᑲᔪᖃᑦᑕᖅᑐᒍᑦ ᐃᓚᒌᓂᑦ ᐱᓇᓱᐊᕐᓂᕐᒥᑦ CFI ᑮᓇᐅᔭᖃᖅᑎᑕᐅᓂᕐᒧᑦ ᑐᓂᔭᐅᓂᒃᑯᑦ ᐱᔨᑦᓯᕋᖅᑎᓂᑦ. ᐱᑎᑦᑎᕙᒃᑭᕗᒍᑦᑕᐅᖅ ᑲᑎᖅᓱᖅᓯᒪᔪᓂᒃ ᐃᑲᔪᖅᑐᐃᓂᕐᒥᒃ ᓄᑕᖅᑲᓄᑦ ᐃᓚᒌᓄᓪᓗ ᐃᓚᐅᑎᑦᑎᓪᓗᑕ ᐱᔨᑦᑎᕋᕐᓂᕆᔭᐅᔪᓂᒃ, ᑭᒡᒐᖅᑐᐃᓂᕐᒥᒃ, ᐃᑲᔪᕐᓂᕐᒥᒡᓗ ᐱᑖᖅᐸᓪᓕᐊᓂᕐᒥᒃ ᐱᐅᔪᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒡᓗ.

ᐱᓇᔫᑎᕗᑦ ᐊᒻᒪ ᑕᑯᔭᐅᕝᕕᒃᓴᓕᐅᕈᑎᕗᑦ

ᐊᐱᖅᑯᑕᐅᒐᔪᒃᑐᑦ CFI ᒥᒃᓵᓄᑦ

ᑭᓇ ᐱᓇᔪᒍᓐᓇᖅᐸ CFI−ᒧᑦ?

ᑭᓱᑦ ᐱᓇᔪᒍᓐᓇᖅᐸᑦ CFI−ᑯᑎᒍᑦ?

CFI−ᒧᑦ ᐱᓇᔪᒍᓐᓇᖅᐳᑎᑦ ᖃᓄᑐᐃᓐᓇᖅ ᐃᑲᔪᖅᑐᖅᑕᐅᔪᒪᒍᕕᑦ ᐱᔨᑦᑎᕋᐅᑎᑦ ᐱᖁᑎᓪᓘᓐᓃᑦ ᐊᔾᔨᐅᙱᑦᑐᓂᒃ ᐱᔭᕆᐊᖃᖅᑐᓂᒃ ᓄᑕᖅᑲᕐᓄᑦ. ᐃᓚᖏᑦ ᐆᒃᑑᑎᑦ ᐊᖏᖅᑕᐅᔪᓐᓇᖅᑐᑦ CFI−ᑯᑦ ᑎᑎᕋᖅᓯᒪᔪᑦ ᑲᓇᑕᒥ ᒐᕙᒪᒃᑯᑦ Government of Canada website. ᐃᑭᐊᖅᑭᕕᖓᓐᓂ.

ᖃᓄᖅ ᐊᑯᓂᐅᑎᒋᔪᖅ CFI−ᒧᑦ ᐱᔪᒪᔾᔪᑕᐅᔪᑦ ᕿᒥᕐᕈᐊᖅᑕᐅᒃᑲᓐᓂᖃᑦᑕᖅᐸᑦ ᐊᖏᖅᑕᐅᔪᒪᓗᑎᒡᓗ?

ᐅᑕᖅᑭᓂᕆᖃᑦᑕᖅᑕᖏᑦ ᐊᔾᔨᒌᒃᐸᙱᓚᑦ CFI−ᒧᑦ ᐱᓇᔫᑎᒋᔭᐅᔪᓄᑦ ᑕᐃᒪᐃᔾᔪᑎᖃᖅᖢᑎᒃ ᖃᓄᖅ ᐊᖏᑎᒋᓂᖏᓐᓄᑦ ᑐᐊᕕᕐᓇᖅᓯᕙᖕᓂᖏᓐᓄᓪᓗ ᐱᔪᒪᔾᔪᑕᐅᔪᑦ ᓄᓇᖃᖅᑳᖅᑐᓄᑦ ᐱᔨᑦᑎᕋᕐᕕᐅᕙᒃᑐᑦ ᑲᓇᑕᒥ ᐱᓯᒪᔭᖏᑦ. ᖁᐸᓄᐊᖅ ᐱᔨᑦᑎᕋᖅᑎᒃᑯᑦ ᐊᐅᓚᑦᑎᔨᖏᑦ ᓄᑖᙳᕆᐊᖅᑎᑦᑎᔪᓐᓇᖅᑐᑦ ᐱᔨᑦᑎᕋᖅᑕᒥᓂᒃ ᖃᓄᐃᓕᖓᓕᕐᓂᖏᓐᓂᒃ ᐱᓇᔫᑎᖏᑦ.

CFI−ᒧᑦ ᑮᓇᐅᔭᖁᑎᒋᔭᐅᔪᑦ ᐊᒃᑐᖅᓯᕚᑦ ᓂᖃᐃᓱᖅᐸᖕᓂᕆᔭᓐᓂᒃ ᐅᕝᕙᓘᓐᓃᑦ ᑖᒃᓯᓄᑦ ᐅᑎᕐᕕᐅᓂᕐᒥᒃ?

CFI−ᒧᑦ ᑮᓇᐅᔭᖁᑎᒋᔭᐅᔪᑦ ᓂᕿᑖᕐᓂᕐᒧᑦ ᐃᑲᔪᖅᑐᖅᑕᐅᓂᕐᒧᑦ ᐱᔭᐅᔭᕆᐊᖃᖅᐸᖕᓂᖏᓐᓄᓪᓗ ᐃᓅᓯᐅᑉ ᐊᒃᑐᖅᓯᓪᓗᐊᙱᓚᖅ ᓂᖃᐃᓱᖅᐸᖕᓂᕆᔭᕐᓂᒃ. CFI−ᒧᑦ ᑮᓇᐅᔭᖃᖅᑎᑕᐅᓂᖅ ᐊᒃᑐᖅᓯᑐᐃᓐᓇᖅᐳᖅ ᑖᒃᓯᒋᕙᒃᑕᕐᓂᒃ ᐅᑎᖅᑎᑦᑎᕝᕕᒋᔭᕐᓂᒃ ᐊᑭᓕᖅᑕᐅᓯᑲᐅᑎᒋᒍᕕᑦ ᐱᖁᑎᒧᑦ ᐱᔨᑦᑎᕋᕐᓂᕐᒧᓪᓘᓐᓃᑦ.